Föndur.is er draumafyrirtækið okkar og að baki því stöndum við hjónin Ásdís, snið-hönnuður, og Sölvi sem sér um vefsíður okkar.

Frá blautu barnsbeini hefur saumaskapur og handavinna af ýmiskonar tagi átt hug minn allan. Ég útskrifaðist árið 2000 sem kennari með myndmennt sem aðalgrein. Núna síðustu ár hafa fígúrur ýmist saumaðar eða úr tré heillað mig og skemmtilegast finnst mér að hanna hlutina sjálf.

Í framhaldi af hönnun minni fannst mér það spennandi kostur að koma sniðunum mínum í neytenda-pakkningar með ítarlegum íslenskum leiðbeiningum en mjög fátítt er að fá slík snið hérlendis.

Við opnuðum formlega vefsíðuna www.fondur.is 1. maí 2003. Ég var dugleg að halda námskeið bæði heima og að heiman. Markaðurinn var fljótur að svara og ljóst var að sniðin mín voru virkilega kærkomin íslensku handavinnufólki.

Árið 2004 hófst markaðssetning sniðanna minna í Bandaríkjunum. Þá tókum við þátt í alþjóðlegri bútasaumsýningu ,,International Quilt Market" sem haldin var í Kansas City þá um vorið. Á erlendri grundu ganga sniðin mín undir nafninu Disa Designs, www.disadesigns.com.

Viðtökurnar úti hafa verið mjög góðar og árið 2007 gaf ég út tvær bækur sem innihalda 7 verkefni hvor. ,,My Season" og ,,My Angels" sem hafa fengið gríðarlega góðar viðtökur. Sniðunum mínum og bókunum í USA er dreift frá Minnesota þar sem skrifstofa okkar og lager er staðsettur.

Að sjálfsögðu er það heilmikil vinna sem fer í markaðsetninguna erlendis og höfum við nú í byrjun árs 2008 tekið þátt í 6 alþjóðlegum bútasaumsýningum þær eru:

- International Quilt Market - Kansas City vor 2005

- International Quilt Market - Minneapolis vor 2006

- International Quilt Market - Houston haust 2006

- International Quilt Market - Salt Lake City vor 2007

- International Quilt Market - Houston haust 2007

- International Quilt Market - Portland vor 2008

______________________________________

Föndur.is er eingöngu netverslun með sniðunum mínum og ég sendi að sjálfsögðu út um allt land.

Veturinn 2007-2008 er ég í samstarfi við Quiltbúðina á Akureyri. Þar sem ég hanna snið fyrir Dísu - Quilt Klúbbinn. Quiltbúðin sendir svo út sniðin ásamt efni sem þarft í verkefnið til klúbbfélaga. Þessi snið mín fást eingöngu í gegnum klúbbinn. Nánari upplýsingar um klúbbinn er hjá Quiltbúðinni.

_____________________________________

Í stuttu máli sagt hér á föndur.is getur þú verslað snið sem hönnuð eru af Ásdísi Erlu Guðjónsdóttur í vönduðum pakkningum með ítarlegum íslenskum leiðbeiningum !

Allar upplýsingar eru að finna hér á vefnum okkar, svo að er um að gera að vafra um og skoða vefinn sem við höfum lagt ómælda vinnu í og erum svo stolt af.

Ásdís Erla